لایلالایون
لایلالایون ای جانم ای اویریم آیسل جانم بویونن یاتاندا اوزوه لای لای دیسن
بیدا لای لای لای چی من سن گوزل بالام یاتاندا سنه دییرم اوقدر دیدیم آخیردا سنده یاتاندا دیسن
لای لای شعرلری:
بالاما قوزو قربان قوزونون یوزو قربان
قوربان قبول اولماسا قوی آنان اوزو قربان
لای لای دیم اوجادان سسیم چیخمیر باجادان
الله بالامی ساخلا چیچهدن قیزیلجادان
لای لای دیم یاتاسان قیزیل جوله باتاسان
قیزیل جولون ایچینده شیرین یوخو تاپاسان
خیرداجاسان مزه سن سن هر گل دن تزه سن
قربان اولوم او گونه ایاخ توتوب جزه سن
بالام عمرون چوخ اولسون جولو جوزون توخ اولسون
سنه لای لای چالارام دشمن لرون یوخ اولسون
لای لای دیم یاتاسان باش یاستیخا قویاسان
باش یاستیخین ایچینده شیرین یوخو تاپاسان
لای لای گوزل قوزوما ایشیخلی اولدوزوما
حوری پری چاتاماز منیم آیسل قیزیما
گوزلرون قاراسینا داغلارین لالاسینا
آنالار قربان اولسون اوز کورپه بالاسینا
لای لای دیم جونده من کولگده سن گونده من
ایلده قربان بیر اولسا قربانوام گونده من
لای لای بشیگیم لای لای اویم اشییم لای لای
یات سن شیرین یوخودا چکیم کشیین لای لای
